Дали е нормално на моето бебе да му опаѓа косата?
Во првите неколку месеци, сосема е нормално на бебето да му опаѓа коса. Индивидуално е и зависи од дете до дете дали ќе почне веднаш да му расте нова трајна коса или детето одредено време ќе биде ќелаво, но тоа нека не ве загрижува бидејќи е сосема нормално. Честопати на децата косата им опаѓа на места каде што главата ја допира перницата или седиштето при што се јавува зголемено триење. Причината зошто се јавува опаѓање на косата се хормоните. Додека бебето било во вашата матка, тоа било изложено на високо ниво на хормони од вашето тело. Кога вашето бебе почнало самостојно да функционира надвор од стомакот, нивото на хормоните започнува да опаѓа и тоа доведува до опаѓање на бебешката коса.
Ако опаѓањето на косата продолжи подолго отколку што мислите дека треба, консултирајте се со доктор за да проверите дали вашето бебе правилно се храни и дали добива се што му е потребно за раст и развој и дали постојат некои здравствени причини за опаѓање на косата
Не постои јасно дефинирана возраст во која фаза на раст и развој на детето доаѓа до промена на косата, туку е сосема индивидуално. Не постои ништо со што во оваа рана доба може да се стимулира растот на косата или да се спречи опаѓање на косата во толку рана возраст.
Само треба да се погрижите вашето бебе да е здраво, неговата исхрана да е правилна и во доволна количина, а останатото ќе се реши само. Понекогаш, новата коса започнува да расте веднаш штом косата со која се родило бебето почнува да опаѓа, додека некои деца остануваат ќелави и до наполнета една година.
Неретко новата коса која расте е во сосема поинаква боја од онаа која опаѓа. Ако опаѓањето на косата продолжи подолго отколку што мислите дека треба, консултирајте се со доктор за да проверите дали вашето бебе правилно се храни и дали добива се што му е потребно за раст и развој и дали постојат некои здравствени причини за опаѓање на косата.
