Палентата во дохраната на бебињата се воведува брзо, таа е одличен извор на Б комплекс и растителни влакна и со оглед дека се прави од пченка, не содржи глутен.
“Поради тоа, нема загриженост за алергиска реакција кај малите деца кај кои се почнува со дохрана“, објаснуваат нутриционистите, додавајќи дека поради структурата преставува идеален избор и за децата кои почнуваат да се навикнуваат на тврда храна.
“Во подоцна возраст може да се нуди со млеко, јогурт или свежо сирење (урда) и станува одреден извор на калциум кој е многу важен за децата. Палентата е одлична и како прилога за главен оброк“, препорачуваат нутриционистите.
Палентата има неутрален вкус и со неа на детето може да му понудите било што: суров или варен зеленчук, морков, салата, месо… Пченката е одличен извор на Б комплекс, влакна и каротеноиди кои нудат антиоксидативна заштита, витаминот Б поттикнува создавање енергија, а влакната се тие кои поттикнуваат дигестија и редовно празнење на цревата што е исклучително важно, оценуваат нутриционистите.
