Многу жени ќе се сложат со фактот дека бременоста не е време во кое секогаш се чувствувате секси и посакувано. Меѓутоа, има и жени кои ќе го кажат спротивното. Како да направите тоа време да ви биде полесно, да си бидете и себеси, но и на партнерот привлечни и убави? Еве неколку совети кои може да ви помогнат.
Долна облека
Во бременоста повеќето жени го носат она што им е најпријатно. И тоа е сосема разбирливо. Но, тоа не значи дека одвреме навреме не може да облечете привлечна долна облека. Направете го тоа да се чувствувате привлечно, да ја оживеете страста, или, едноставно, самите да си го разубавите денот. Денес се достапни многу различни дизајни, бои, примероци и стилови на долна облека за трудници. На пример, зошто не одберете нешто ново и тоа во црвена боја
Одредете ден за мазење
Можеби ќе се чувствувате изморено и едноставно нема да ви се прави ништо, но замислете како ќе биде кога ќе дојде бебето. Тогаш времето ќе ви биде ограничено, па деновите за галење и слободно време ќе имате многу малку. Затоа искористете го максимално времето додека сте трудни, да уживате со партнерот – на пример, направете убава вечера, запалете свеќи и уживајте во секој момент.
Масажа
Покрај сите болки кои бременоста ги носи, масажата делува како решение за сите проблеми. Не само што ќе ви ги олесни сите болки, туку ќе направи и да се чувствувате опуштено. Исто така, овозможете му и на партнерот масажа и опуштање – верувајте дека многу ќе го изненадите.
Разгалете се
Бременоста не значи дека мора да се запоставите. Средите ја косата, отидете на депилација, користите креми. Направете го сето она што ве опушта. Отидете на вечера со пријателките, гледајте го најновиот филм во кино, почестете се со омилениот десерт. Затоа што можете и дозволено ви е се.
Разговарајте
На некои жени единствено што им треба е разговор и неколку убави зборови. Ако вашиот партнер тоа не го сфати сам, поттикнете го и дајте му до знаење дека само со зборови може да направи многу за вас.
