Некои извори наведуваат 75% повеќе близначки бремености од 1980 година. Бројни се причините за појавата на повеќеплодна бременост денес, а некои од нив се дека многу жени го одложуваат мајчинството до доцна репродуктивна возраст, и помош бараат во постапките на недицинско потпомогнато оплодување, а таквите постапки често резултираат со повеќеплодна бременост.
Ова се некои интересни факти за близначката бременост.
- Истражувањата покажуваат дека 10 до 15% од сите едноплодни породувања започнуваат како повеќеплодна бременост, но често едниот плод се губи рано во бременоста и тој феномен е познат како “синдром на исчезнатиот близнак“ (vanishing twin syndrome).
- Шансите да родите еднојајчани близнаци се еднакви на 3:1000.
- Ако сте имале двојајчани близнаци, шансите повторно да имате се околу 1.3000.
- Повеќе од половина близнаци се родени пред 37. недела.
- Близнаците зачнати по природен пат (без лекување на неплодност), најчести се меѓу афро-американската популација. Исто така, повисоките жени имаат поголеми шанси да станат мајки на близнаци.
- За повеќето жени кои се бремени со близнаци, препорачливо е да добијат 10кг до 24. недела од бременоста, а во целата бременост и 15 до 20кг.
- Детето кое се развива поблиску до отворот на матката се нарекува бебе А. Во 75% од случаевите, главата на бебето А е свртена надолу пред породувањето. Бебето Б може да биде свртено надолу или да биде свртено со задникот.
- Иако вагиналното породување вообичаено е опција, многу е веројатно дека ќе родите со царски рез ако сте бремена со близнаци.
- Понекогаш, бебето А се раѓа вагинално, а потоа бебето Б со царски рез. Тоа често е случај ако бебето Б е свртено со задникот или покажува знаци на стрес поради тоа што минало повеќе контракции на матката.
- Просечната родилна тежина на блзинаците е секоја околу 2,5кг, иако едното бебе често тежи повеќе од другото.
