Бљуцкање кај бебе: Кога треба да се загрижите?

Родителите често се загрижени оти мислат дека со враќање на храната (бљуцкање) или регургитацијата исфрлило се што изело, но тоа обично не е така, оти со бљуцкањето децата исфрлаат најмногу една лажица. Ако детето добро напредува, не губи на тежина, ако има барем 5 до 6 мокри пелени и добро е расположено, не треба да се загрижувате.

Во првите месеци по раѓањето, повеќето доенчиња враќаат храна по оброкот. Некои доенчиња бљуцкаат по секое хранење, а некои само понекогаш. Тоа е физиолошка појава на исфрлање на вишокот проголтан воздух по подригнувањето. Недоносените деца поради послабо развиен дигестивен тракт, почесто бљуцкаат, како и децата во фаза на никнување на заби.

Кај повеќето деца, бљуцкањето обично престанува помеѓу 6. и 7. месец од животот, поради воведувањето на цврста храна, како и поради созревање на дигестивниот систем.

Родителите често се загрижени оти мислат дека со враќање на храната (бљуцкање) или регургитацијата исфрлило се што изело, но тоа обично не е така, оти со бљуцкањето децата исфрлаат најмногу една лажица. Ако детето добро напредува, не губи на тежина, ако има барем 5 до 6 мокри пелени и добро е расположено, не треба да се загрижувате.

Зошто бебињата бљуцкаат?

Кај децата кои брзо и ненаситно цицаат, покрај млекото голтаат и одредена количина на воздух. Малиот детски желудник не е во состојба да свари, па вишокот воздух заедно со млекото се исфрла надвор. Тоа се случува и при нагли промени на положбата на телото, непосредно по хранењето. Поради незрелост на сфинктерот кој се наоѓа помеѓу хранопроводот и желудникот, тој не се затвора доволно и храната се враќа од хранопроводот во устата, па надвор.

Ако детето често бљуцка, 1 до 2 часа по оброкот и паралелно и повраќа поголема количина млеко (особено ако повраќа во млаз), најверојатно се работи за гастроезофагеален рефлукс и потребно е да се обратите кај педијатар.

ЗНАЦИ НА ПРЕДУПРЕДУВАЊЕ

Ако бљуцкањето се јавува почесто и ако е проследено со повраќање на поголема количина желудочна содржина, содржината може да дојде до хранопроводот што може да предизвика воспаление на неговата слузница. Ако содржината се слева во уво или во белите дробови, може да дојде до воспаление на увото или на белите дробови. Честото повраќање може да доведе до дехидрација и пореметување на опшатата состојба на организмот.

Ако детето повраќа, особено во млаз поголема количина на желудочна содржина, и ако во нема примеси на крв, а детето губи на тежина, често плаче, итно е потребна консултација кај педијатар. Таквите сосотојби се јавуваат при стеснување на хранопроводот, гастроезофагеален рефлукс, болести на метаболизмот, инфекции.