Едно од најчестите прашања во бременоста е поврзано со вишокот килограми. Медицински, во интерес на здравјето и на мајката и на плодот, има многу причини зошто треба да се одржува здрава телесна телесна тежина за време на бременоста.
Еве како тоа да го реализирате со помош на овие шест совети:
Внимавајте на големината на оброците
Секогаш јадете одредена количина за време на оброците, а истовремено зголемете го внесот на протеини за да останете сити помеѓу оброците. Протеинот е неопходен не само за растот и развојот на вашето бебе туку и за одржување на нивото на гликоза во крвта во текот на денот. Добри извори на протеини се павлаката, безмасното млеко, сирење со мала масленост, риба, пилешко месо, јајца и месо без голем процент на маснотии.
Индекс на телесна маса (BMI)
Вашиот лекар ќе ви помогне да ја добиете соодветната тежина врз основа на вашиот индекс на телесна маса. На пример, доколку имате нормални вредности (25-29 BMI) тогаш треба да се здебелите во бременоста помеѓу 7 и 11 килограми. Доколку имате вишок килограми (BMI над 30) тогаш вашата тежина треба да се зголеми за 5 до 9 килограми. Кога ќе дознаете колку треба да ја зголемите вашата тежина, тогаш може да се потрудите да ја задржите.
Движете се
Правете лесни вежби секој ден кои ќе траат 30 до 45 минути. Брзо одење, пливање, јога и вежби за зајакнување се соодветни за време на бременоста, но се разбира со дозвола на вашиот лекар.
Пијте вода
Пијте од 10 до 11 чаши вода дневно. Лесно може да ја помешате гладта со жедта и да ја задоволите жедта така што ќе се прејадете. Генерално, во текот на бременоста треба да пиете повеќе вода.
Намалете ја стрвноста
Доколку сте стрвни, обидете се да се воздржите. Уште подобро е доколку најдете нискокалорична храна како замена за вашата омилена храна. Доколку имате потреба да јадете мраз, хартија или креда, веднаш јавете се кај вашиот доктор. Ова најчесто е знак дека имате недостиг од хранливи материи.
Побарајте помош
Одржувањето на килограмите е тешка задача за секого, но гладта за време на бременоста може да биде уште потешка. На почетокот од бременоста консултирајте се со нутриционист за да најдете начин како да се воздржите од дополнителните калории и да најдете здрава алтернатива за висококалоричната храна. Мала помош од експерт може многу да помогне во креирањето на добар нутриционистички план.
