Одредени видови бактерии кои можат да се најдат во брисевите од грлото на матката и вагината за време на бременоста можат да влијаат на ризикот од предвремено породување, укажува американска студија во која учествувале 2.000 трудници, спроведена од научници од Универзитетот во Пенсилванија.
Се смета дека ова откритие може да доведе до нови начини за превенција на предвремено породување, или со отстранување на „лошите“ бактерии или со зголемување на нивото на „добрите“ бактерии.
Резултатите од истражувањето покажале дека бактериите од родот Bifidobacterium и Lactobacillus го намалуваат ризикот од предвремено породување. Додека другите видови бактерии, неколку анаеробни бактерии, го зголемуваат ризикот од предвремено раѓање.
Ианку, предвременото породување е водечка причина за смрт кај децата во САД. Тоа е, воедно и водечка причина за смрт кај децата под пет години во светот. Предвремено родените бебиња можат да имаат сериозни и долгорочни здравствени проблеми.
Извор: University of Pennsylvania
