Бременоста се брои од првиот ден на последната менструација, а не од денот на зачнување, како што мислат повеќето жени. Причина зошто е тоа така, е што многу мал процент на жени (10-15%) имаат менструален циклус на секои 28 дена, па неможе да се одреди точниот ден кога дошло до оплодување. Во оваа недела, практично се уште не е дојдено до овулација и оплодување, па се уште и не сте бремена. Интересно, зарем не? Ова е време за размислување за бременоста и нејзиното планирање. Во секој случај, идните мајки мораат да знаат дека се препорачува избегнување на пушење и алкохол, како и консумирање на одредени лекови, па би било пожелно да се консултирате со својот лекар – гинеколог.
Пушењето може да предизвика оштетување на крвните садови на плацентата и со тоа да го намали доводот на кислород и хранливи материи до плодот. Ова може да влијае на растот и развојот на бебето, па неретко се случува мајките кои пушат цигари да родат деца со мала телесна тежина. Како последица на пушењето, исто така се споменува и предвремено породување и бројни вродени маани на бебето. Од истите причини се препорачува и избегнување на пасивно пушење и престој во простории со дим од цигари.
Во рамките на планирањето на бременоста би требало да се посети и стоматолог и да се санираат промените на забите и во усната шуплина. Идеално би било да се направат и микробиолошки анализи од брис на цервиксот (грлото на матката) и задолжително е лекување на сите патогени кои ќе се најдат во брисот, како и евентуално лекување на партнерот, бидејќи одредени бактерии може да влијаат на процесот на оплодување и самата бременост.
Некои гинеколози препорачуваат и пред планирањето на бременоста да се одреди и нивото на THS (тиреостимулирачки хормон) во крвта, бидејќи хипотиреозата, дури и од субклинички тип, може негативно да влијае на плодноста, а честа е и појава на спонатн абортус,како и наручување на интелегенција на детето.
Други анализи кои се препорачуваат се серолошки тестови на токсоплазма: одредување IgM, IgG и IgA антитела. Загрозени со оваа инфекција може да бидат серонегативните трудници – трудници со негативни IgM, IgG и IgA антитела и кај овие трудници потребно е серолошките тестови да се повторуваат секои осум недели за време на бременоста и да се спроведе соодветно лекување доколку постои инфекција со бактерија.
