Лицето на вашето бебе е се поразвиено. Се препознава коренот на носот, формирани се образите, ушните школки, а очите се се поблиску едно до друго.
Штитната жлезда е подготвена за почеток на создавање на хормони. Кај машките фетуси се развива простатата, а кај женските фетуси јајчниците се спуштаат од стомакот во малата карлица.
Доаѓа до раст на лануго влакната кои растат по целото тело на фетусот. Се верѕва дека овие влакненца имаат заштитна улога, пред се поддржувајќи го верниксот на површината на кожата. Верникс е масен, восочен слој на кожата кој бебето само го излачува и го создава. Лануго влакненцата отпаѓаат, а верниксот делумно исчезнува пред бебето да се роди.
Бебето е долго 8.0 – 11.00 сантиметри, а тешко од 30 до 60 грама.
Матката постепено се развива и расте над срамната коска, па може да се напипа. Поголемиот број трудници ја доживува оваа и наредните недели од бременоста како најдобар период на својата бременост, а повеќето тегоби исчезнуваат.
Научете да уживате во бременоста. Најдете време за опуштање. Чувството на напнатост за време на бременоста доведува до напнатост на мускулите, што може да предизвика непријатност.
