Вашето бебе се уште изгледа слабо на ултразвук, бидејќи растот и развојот на кожата е побрз од создавањето на поткожно масно ткиво, иако во овој период тоа се формира многу интензивно.
Бебешката кожа веќе не е проѕирна, туку добива црвенкаста боја. Движењата на бебето може да бидат многу интензивни, во форма на клоцање и удирање, но и многу нежни во вид на боцкање и буткање.
Бебето ја чувствува својата околина, како и папочната врвца. Може да се јави икање кое се јавува поради голтање на плодовата вода. Плодовата вода и шеќерот кој се наоѓа во неа се значаен енергетски додаток на хранливите материи кои бебето инаку ги прима преку папочната врвца.
Бебето е долго од 28-31 сантиметар, а тешко околу 400-450 грама.
Бракстон – Хиксовите контракции се неправилни, безболни контракции и спаѓаат во подготовка на матката за породување. Со напредување на бременоста, контракциите на матката ќе станат се посилни, но главна карактеристика на овие контракции е отсуството на нивно делување на цервиксот – грлото на матката и нема да дојде до негово скратување или отворање.
Овие контракции може да се забележат со помош на кардиотокограф (ЦТГ) кој се користи пред се за бележење на отчукувањата на срцето на бебето, како и за моторните активности на матаката, особено во подоцните фази на бременоста или при одредувањето индикации.
