Бебето го завзема поголемиот дел од матката и нема многу простор за движење. Сега е долго околу 44 сантиметри, а тешко околу 2500 грама. Бубрезите се сега целосно развиени, а црниот дроб може да обработува некои отпадни материи. Белите дробови би требало исто така целосно да се созреани. Поголемиот дел од основниот физички развој е завршен нередните недели бебето ќе добива на тежина – околу 200-250 грама неделно.
Папочната врвца е долга околу 50 сантиметри, а широка 1-2 сантиметри. Низ папочната врвца минува една вена, низ која крвта на бебето добива кислород и две артерии преку кои крвта се враќа назад во плацентата.
Вашата матка ги турка сите останати внатрешни органи, поради што често мокрите и имате жиговина или друго гастро пореметување. Помали, но почести оброци може да помогнат. Хормонот на бременоста предизвикува ширење на карличните зглобови за да го подготви телото за породување. И натаму може да очекувате отекување на зглобовите и на прстите, проширени вени и појава на хемороиди. Внимавајте на исхраната и одморајте што е можно повеќе.
Од сега, па натаму кај вашиот гинеколог веројатно ќе одите секоја недела. На следниот контролен преглед, покрај вообичаеното мерење на притисок и телесна тежина, се прават и брисево, се одредува мерката на карлицата, се врши комплетна контрола на урината, преглед на дојките и акушерски преглед.
