Движењата на бебето во оваа недела се посилни, и натаму добива на телесна тежина – околу 30 грама дневно. Тешко е речиси 2700 грама, а долго нешто повеќе од 46 сантиметри. Лицето на бебето е мазно, а образите округли. Телото е покриено со бела масна супстанца (vernix caseosa) која ја штити бебешката кожа додека е во стомакот. Бебето, заедно со плодовата вода голта и останати излачени состојки, што доведува до создавање на црна смеса наречена мекониум (прв бебешки измет). На крајот на оваа недела, бебето влегува во “термин“ – полн термин е од 38 недела до 42 недела. Бебињата родени пред 37. недела се предвремено родени, а оние по 42 недела се преносени. Сега веќе бебето треба да е наместено со главата надолу.
Плацентата почнува да старее и не функционира така добро како во пораните стадиуми, што може да претставува еден од факторите на почетокот на породувањето.
Досега веројатно сте добиле 11-14 килограми. Наскоро ќе почувствувате олеснување – бебето се спушта во карлицата. Се намалува и жиговината, и полесно дишете бидејќи е помал притисокот на дијафрагмата. Овој процес може да се случи неколку недели пред породувањето или дури кога тој ќе почне. Но, сега пригмечен е долниот дел, па може да очекувате проблеми со гасови, болки и чести мокрење.
