Многу трудници се прашуват дали е во ред да се лекуваат заби во бременоста. Одговорот е ДА, дури и е пожелно да ги средите забите пред да се породите. Бремените жени обично ги запоставуваат забите по породувањето, главно немањето време да одат на стоматолог.
Ако имате заби за поправање, пожелно е кај забар да одите по 12. недела, кога ќе излезете од чувствителниот прв триместар. Нагласете му на стоматологот дека сте бремена, за да знае како да пристапи кон лекувањето на забите.
Многу пати е нагласувано дека во бременоста не смее да се користат никакви медикаменти, па трудниците се прашуваат дали е безбедно да вадат или да поправаат заб под анестезија. Пред се, потребна е консултација со матичниот гинеколог, оти се зависи во кој правец тече бременоста и дали постојат одредени ризици.
Истото важи и за снимање на забите во бременоста. Најдобра е консултација со гинекологот, иако снимањето на забите не е опасно како сминање на белите дробови, рацете, нозете и слично. Сепак, ако не е неопходно оставете го снимањето за период по бременоста.
