Според резултатите од ново истражување, раната менопауза е помалку веројатна кај жените кои имале една или повеќе бремености кои траеле повеќе од 6 месеци, како и кај жените кои ги доеле своите деца. Треба да се напомене дека ексклузивното доење е поврзано со најмал ризик од рана менопауза.
Во истражувањето учествувале повеќе од 108.000 жени на возраст меѓу 25 и 42 години. Интересно е тоа што жените со три или повеќе бремености кои исклучиво доеле вкупно 7 до 12 месеци имале 32 отсто помал ризик од рана менопауза во споредба со жените со ист број деца кои исклучиво доеле помалку од еден месец.
Проблемот со раната менопауза е тоа што го лишува телото од многу потребниот естроген и други женски хормони кои се клучни за намалување на ризикот од срцев удар, мозочен удар и други кардиоваскуларни настани, како и деменција и остеопороза.
Извор: JAMA Network Open
