Високо заразната варијанта на КОВИД-19, која се прошири низ целиот свет откако за прв пат беше откриена во Велика Британија кон крајот на минатата година, е меѓу 30 и 100 проценти посмртоносна во однос на другите варијанти, објавија британските научници, пренесува „Дневник.хр“.
Резултатите од британското истражување укажуваат на тоа дека инфекцијата со новата варијанта довела до 227 смртни случаи кај примерок од 54.906 пациенти со КОВИД-19, во споредба со 141 смртни случаи кај ист број на заболени од други варијанти
Резултатите од истражувањето во кое е споредувана стапката на смртност кај британското население заразено со новата варијанта на SARS-CoV-2, позната како B.1.1.7, во споредба со стапката меѓу заразените со другите соеви, покажаа дека стапката на смртност од новата варијанта е „значително поголема“, велат научниците.
Варијантата B.1.1.7 за прв пат е откриена во Велика Британија во септември 2020 година, а оттогаш е пронајдена во повеќе од 100 земји.
Во својот генетски код, оваа варијанта има 23 мутации, што е релативно голем број на промени, а некои од нив се способни за побрзо ширење.
Британските научници велат дека е помеѓу 40 и 70 проценти позаразна од претходно доминантните варијанти на циркулирачкиот коронавирус.
Варијантата B.1.1.7 за прв пат е откриена во Велика Британија во септември 2020 година, а оттогаш е пронајдена во повеќе од 100 земји
Резултатите од британското истражување, објавено денеска во стручниот часопис „British Medical Journal“, укажуваат на тоа дека инфекцијата со новата варијанта довела до 227 смртни случаи кај примерок од 54.906 пациенти со КОВИД-19, во споредба со 141 смртни случаи кај ист број на заболени од други варијанти.
Во комбинација со способноста за побрзо ширење, варијантата B.1.1.7 претставува закана што треба сериозно да се сфати, рече Роберт Чален, научник од Универзитетот Ексетер и еден од коавторите на студијата.
