Тантрумите или изливите на бес се вообичаена појава кај децата кои сè уште не знаат како на мирен начин да се справат со сопствените фрустрации или други негативни емоции. Сепак, детскиот психолог Сем Вас тврди дека го знае совршеното решение за брзо смирување на бесот кај децата и им го препорачува на сите родители.
Обидете се да го копирате говорот и тонот на детето. Па ако каже „сакам сок“, на вас останува да му кажете „сакаш сок“ за да бидете сигурни дека ве разбира. Ова чувство дека детето ве разбира ќе му помогне да се смири и дури потоа можете да му го пренасочите вниманието на нешто друго“, објаснува психологот
Вас е експерт во областа на детскиот стрес и внимание, а својот совет за смирување на нивните чести тантруми го сподели во интервју за „The Mirror“. Како што објасни, постојат одредени начини како најдобро да се справите со бесот кај децата, а патем им даде и совети на родителите што треба да избегнуваат кога ќе се појави тантрум.
Тој предупреди дека родителите не треба ни случајно да користат логика за да се обидат да го смират детето, туку наместо тоа да користат одредени зборови и таканаречени јазични трикови.
„Нападите на бес се предизвикувачки за родителите бидејќи се насочени кон нив. Кога детето ќе се вознемири, родителот е тука да му помогне, но често се чини дека тој самиот е во фокусот и дека токму тој го предизвикал гневот на детето. Затоа можеби се чини логички да се користи смиреност и логика со вашето дете и да се обидете да го убедите да го промени своето однесување, но тоа не функционира кај многу мали деца бидејќи тие сè уште не го разбираат тоа“, објаснува психологот.
„Тие се во фаза кога емоционалните центри во нивните мозоци се огромни, а рационалните центри се мали, така што многу поефективен начин да се справите со нивните испади на бес е да коментирате за она што го кажуваат и да им го повторите користејќи го нивниот јазик“, додава тој.
Но, што точно значи тоа? Имено, како што објаснува Вас, ако детето, на пример, користи фрази од два збора како „Сакам сок“, можете да го усогласите неговиот јазик, но и неговата интонација.
„Обидете се да го копирате говорот и тонот на детето. Па ако каже „сакам сок“, на вас останува да му кажете „сакаш сок“ за да бидете сигурни дека ве разбира. Ова чувство дека детето ве разбира ќе му помогне да се смири и дури потоа можете да му го пренасочите вниманието на нешто друго“, објаснува психологот и додава дека ова на родителите може да им биде чудно на почетокот, но тој го гледа тоа како најбрзиот начин за постигнување на резултати.
