Децата секогаш се радуваат на својот прв мобилен телефон, но многу родители се во дилема околу тоа кога е вистинското време да го набават. Истражувањата покажале дека повеќето деца добиваат мобилен телефон до десетгодишна возраст, но многу експерти истакнуваат дека тоа е многу рано, особено ако се работи за паметен телефон.
Така, во САД е се погласно движењето „Чекај до осмо“, што ги охрабрува родителите да го одложат давањето мобилни телефони на своите деца додека не тргнат во осмо одделение. Исто така, главниот американски лекар Вивек Мурти, во интервју за Си-Ен-Ен, тврди дека „13 години се прерано за социјални мрежи“ и ги охрабрува родителите „да го одложат придружувањето на онлајн платформите барем до 16. година“.
Се покажа дека раната и честа употреба на паметни телефони е поврзана со различни проблеми во однесувањето на децата, кризи во менталното здравје и здравствени проблеми како што е недостатокот на сон
Паметните телефони влијаат на безбедноста на децата и на позитивен и на негативен начин. Децата со паметни телефони можат полесно да останат во контакт со своите пријатели, но тие се и поподложни на дигитални зависности, онлајн малтретирање и уцени. Освен тоа, истражувањата покажаа дека родителите честопати немаат поим што прават нивните деца на Интернет.
Исто така, истражувањето за поврзаноста помеѓу паметните телефони и малите умови не дало сјајни резултати. Се покажа дека раната и честа употреба на паметни телефони е поврзана со различни проблеми во однесувањето на децата, кризи во менталното здравје и здравствени проблеми како што е недостатокот на сон. Дополнително, експертите истакнуваат дека зависноста од уреди, без разлика дали е меѓу децата или родителите, негативно влијаат на семејниот живот.
Ова е секако многу неблагодарна тема во која родителите се наоѓаат во непријатна ситуација затоа што самите мора да донесат толку важна одлука која во голема мера ќе го одреди идниот ментален и социјален развој на нивното дете.
