Родителството може да биде напорно. Затоа, не е невообичаено да се видат уморни родители кои мислат дека повеќе не можат да се справат со предизвиците на родителството. Според неврологот д-р Пуја Агарвал, родителското согорување или таканаречениот брнаут е „физичка, ментална и емоционална исцрпеност што родителите ја чувствуваат поради хроничниот стрес од воспитувањето и родителството“.
Со оглед на модерниот, брз начин на живот кој ги принудува родителите да извршуваат повеќе задачи за помалку време, исцрпеноста може да се очекува. Меѓутоа, за родителите да ја побараат потребната помош, најпрво е важно да ги препознаат симптомите на родителското согорување. Терапевтката Аби Томасон ги открива четирите најчести знаци на овој синдром кај мајките.
- Проживување на емоции, но без чувство на присутност во моментот.
- Заборавност.
- Темпераментност.
- Соматски симптоми, како што се главоболки или болки во стомакот.
Некои знаци можат да ви помогнат да ја разликувате исцрпеноста (синдром на согорување – брнаут) од вообичаените предизвици на родителството. Синдромот на согорување може да изгледа вака: постојано се чувствувате како да не успевате како родител, исцрпени сте до тој степен што не можете да заспиете или, дури и кога спиете, сè уште се чувствувате исцрпено, честопати ги губите нервите со вашите деца или вашиот партнер, не се чувствувате поврзани со нив и не знаете ни како да го контролирате или како да влијаете на тоа“, истакнува терапевтката.
Родителскиот брнаут е проблем кој не треба да се игнорира. Малите промени, како што се грижата за себе, одморот и разговорот со саканите, може значително да ги олеснат овие предизвици.
