Брат и сестра близнаци од Калифорнија родени се на кратко растојание, но поради времето во кое се родени, на свет дошле на различни години. Момчето е родено 15 минути пред полноќ на Старата година 2021., додека неговата сестра е родена точно на полноќ и како датум на раѓање е впишан првиот ден од новата година, 1 јануари 2022 година.
Нивната мајка Фатима Мадригал го родила Алфредо Антонио Трухиљо во петокот вечерта во 23:45 часот, објави Медицинскиот центар Нативидад. Само 15 минути подоцна, на полноќ, родено е девојчето Ајлин Јоланда Трухиљо, со различен роденден.
“За мене е неверојатно што се близнаци, а имаат различни родендени“, изјави нивната мајка Мадригал. “Бев изненадена и среќна што Ајлин се роди на полноќ“.
Д-р Ана Абрил Ариас, матичен лекар во болницата каде што се родени близнаците, го нарече уникатно темпираниот породување “едно од најнезаборавните раѓања во нејзината кариера“.
“Ми беше апсолутно задоволство да им помогнам на овие малечки безбедно да пристигнат во 2021 и 2022 година. Каков прекрасен начин да се започне Новата година! Малите Алфред и Ајлин наскоро ќе си одат дома со мама и тато каде ќе ги запознаат и нивните две постари сестри и брат.
