Секое дете е уникатно и има одредени карактеристики. Ако имате еден пристап за воспитување на едното дете, тоа не мора да значи дека ќе биде ефективно за другото. Едното може да биде тивко, совесно и одговорно, додека другото сака да прави неред, тврдоглаво е и е премногу активно. Затоа, како што истакнуваат психолозите, погрешно за воспитувањето да се зборува како за универзален начин на пристап кон детето. Ова се совети како да воспитувате дете според карактерот.
Чувствително дете
Чувствителните деца се грижливи и емпатични и често се многу отворени и искрени. Тие се грижат многу за светот околу нив и честопати е лесно да се повредат. На овие малечки им треба охрабрување да се чувствуваат безбедно и заштитено. Дајте им до знаење дека сте со нив и бидете внимателни со вашите коментари. Сè што ќе кажете ќе го земат при срце. Освен тоа, погрижете се да ја прифатите нивната грижлива страна. Иако може да биде фрустрирачки што лесно плачат за секоја ситница, исто така е важно прво да им дадете до знаење да ги покажат, па дури потоа да им објасните зошто тоа не е во ред. Толку малку луѓе имаат природна склоност кон емпатија и љубов кон другите, затоа треба да ја негувате оваа особина кај вашето дете.
Одлучно дете
Тие се родени лидери со желба да учат и да ја вршат секоја работа. Таквото дете понекогаш може да биде предизвик. Сака се да прави само – без разлика дали тоа е закопчување на палтото или правење свој сендвич, дури и кога се мали и не знаат како, тоа сака да биде независно. Понекогаш одлучното дете може да изгледа како многу да бара и тврдоглаво, но ако го оставите да си го прави своето, ќе бидете посреќни, бидејќи брзо ќе научи многу работи. Не заборавајте да го охрабрите вашето решително мало дете и да го пофалите неговите напори дури и кога не успева. На овој начин, одлучните деца ќе бидат многу успешни во животот.
Дете кое сака забава
Ова возбудено, среќно и дружељубиво дете често е разиграно и весело. Уживаат да бидат во центарот на вниманието и често знаат да ве прекинуваат. Важно е родителите да ги препознаат овие карактерни црти како позитивни особини и да најдат начини да го насочат својот ентузијазам кон своите деца. Спуштете се на неговото ниво во воспитувањето – играјте заедно, шегувајте се, забавувајте се и учете на тој начин. А кога станува збор за дисциплина, бидете благи. Овој тип на дете сака да биде опкружено со среќа.Затоа, бидете нежни кога ги карате.
Сериозно дете
Луѓето често се изненадени колку овие деца се зрели за нивната возраст. Обично се самоуверени, вредни и аналитички. Но, тие можат да се борат и со перфекционизмот. Сериозното дете сака да учи нови работи. Тие се мислители во семејството. Ако воспитувате сериозно дете, сфатете ги сериозно нивните идеи и ставови. Прво, слушајте што имаат да кажат, а ако не се согласувате, веднаш кажете им и објаснете им зошто. Кога станува збор за интеракција со сериозно дете, обидете се да бидете логични. На пример, ќе постигнете многу повеќе ако им објасните зошто сакате да направат нешто наместо само да им кажете да го направат тоа.
Активно дете
Најважно е да ја канализирате нивната енергија. Не барајте од нив да останат мирни ако не сакаат, запишете ги на активности и фокусирајте ги нивните интереси на активности каде што можат да се „испразнат“. Нивната нервоза и незадоволство секогаш ќе бидат изразени ако ги воздржите, ако им го исполните денот тогаш полесно ќе можете да го контролирате нивното однесување.
