Американските научници од Технолошкиот институт во Масачусетс (МИТ) развија алгоритам базиран на вештачка интелигенција кој овозможува препознавање на кашлица предизвикана од коронавирус.
Тестирањето извршено на луѓе со веќе дијагностицирана коронавирусна инфекција покажа дека алгоритмот има точност од 98,5 %, додека кај луѓето кои немаат коронавирус точноста изнесува 100 %.
- Научникот од МИТ, Брајан Субирана, кој е коавтор на трудот, вели: „Начинот на кој продуцирате звук кога имате COVID-19 се менува, дури и ако сте асимптоматски“
Пред алгоритамот да се искористи за развој на апликација нужно е истиот да добие одобрување од регулаторните тела на САД.
Според зборовите на истражувачите, клучен е фактот дека човечкиот слух не може да го препознае звукот на кашлица кај асимптоматски случаи заболени од коронавирус.
Резултатите од истражувањето, кои се засновани на анализа на околу 70 000 аудио снимки од кашлица, се објавени во IEEE Journal of Engineering in Medicine and Biology. (Би-Би-Си)
