ПИШУВА:
Д-р Димче Марковски
оториноларинголог
♦♦♦♦♦♦♦
ТУЃО ТЕЛО ВО ТРАХЕА (БРОНХИ)
Миграцијата на туѓо тело во долните делови на дишните патишта е далеку поопасно, бидејќи останува таму во различно време и предизвикува пневмонија која не исчезнува додека туѓото тело не се отстрани.
Туѓи тела од различно потекло може да попаднат во трахеата и бронхиите како:
-
ореви, кикиритки, лешници, бадеми, кајсии, наут и др.;
-
семки од сончоглед, тиква, лубеница;
-
делови од пластични играчки, пенкала, итн.;
-
метални предмети, копчиња, нокти, игли, мониста;
-
парчиња трева, лисја, парчиња коска и така натаму;
-
како раритет, може да се спомене и јајце (лушпа), дел од ловоров лист, пршлените од кокошкиот врат од супата итн.
Најчесто се засегнати децата од рана возраст и деца од предучилишна возраст.
Експираторна диспнеа (потешкотии во издишувањето) се јавува првенствено кога туѓите тела влегуваат во трахеата и бронхиите. Исклучително изразен тираж во градната и интеркосталната област е придружена со евидентно изразено носево дишење, бидејќи пациентот се стреми да го надомести недостатокот на воздух со проширување на ноздрите и преземање на максимален волумен на воздух
ПРИЧИНИ
Различни се причините за попаѓање на туѓо тело во дишните патишта: недостатокот на надзор над малите деца, желбата на родителите да ги хранат со „силна“ храна, каква што се ореви и семки, лошата навика кај некои деца да држат нешто во устата, некаков предмет за време на игра, дури и заспиваат со него. Опасност крие и давањето на парче љубеница со неисчистени семки.
Во сите овие случаи расплакувањето или пак смеата на детето води до нагло вдишување и туѓото тело веќе е во трахеата или пак директно во бронхиите. Инцидентот е драматичен!!! Засегнатото дете престанува да дише поради грчеви на дишните мускули, дури може да посини (цијаноза), по што дишењето се опоравува, но е отежнато и придружено од персистирачка кашлица. По минути или еден час детето се смирува, но кашлицата останува.
Сепак, тоа не значи дека родителите можат да се смират!!!
По таква случка без одлагање треба да се одведе детето кај лекар, како и да се опише сето детално и да се напомене што имало во устата детето за време на несреќата. Ова е важно, бидејќи во овие први часови вадењето на туѓото тело од дишните патишта е полесно.
Експираторна диспнеа (потешкотии во издишувањето) се јавува првенствено кога туѓите тела влегуваат во трахеата и бронхиите. Исклучително изразен тираж во градната и интеркосталната област е придружена со евидентно изразено носево дишење, бидејќи пациентот се стреми да го надомести недостатокот на воздух со проширување на ноздрите и преземање на максимален волумен на воздух.
Најдобро е да се има самоконтрола во такви моменти, бидејќи паниката не е добар советник.
Во првите минути животот на детето е изложен на ризик и се налага давање на прва помош. При асфиксијата се прави обид да се отстрани туѓото тело додека воздухот во дишните патишта под блокадата сè уште не се апсорбира.
Се применува техниката на Хејмлич (Heimlich).
Останата помош, дијагностика и екстракција на туѓото тело се прави во болничка установа.
◊◊◊◊◊◊◊
