ПИШУВА:
Д-р Маја Иванова – Цеков,
специјализант по офталмологија
♦♦♦♦♦♦♦
ПРВ ПРЕГЛЕД НА ОЧИТЕ – КОГА И КАКО?
Периодот до шестата година кај детето е најважен за невросензорниот и моторниот развој на очите и окуларните движења. Во тој период со формирањето на овие механизми се овозможува децата да развијат јасен вид, а очите да им стојат исправено. Во овој период се развива и стерео видот и тогаш се формира тродимензионалниот вид. Ова значи дека доколку во овој период постојат какви било пореметувања во овие механизми, ќе се развие абнормален односно недоволно јасен вид (амблиопија) и усогласеноста на очите ќе биде нарушена (страбизам).
По потреба офтламологот може да ординира очила доколку се утврди дека детето има диоптрија. Кај одредени кривења на очите, може да настане исправање и само со ординирање очила. Доколку не, офталмологот ќе ви препорача дополнителни вежби, за подобрување на видот и кривењето или интервенција
Кога би требало да биде првиот преглед кај децата?
Доколку вашето дете сосема уредно следи предмети во просторот и очињата стојат исправено, тогаш првиот преглед може да се направи околу втората година. Доколку приметите дека детето послабо следи предмети, се буни при затворање на едното око или има некакво кривење на очињата, тогаш треба да се направи преглед веднаш.
Како се изведува?
До првата година од животот, прегледот се изведува потешко заради лоша соработка, а офталмологот може да го провери видот на неколку ориентациони начини, а тоа е да му покаже одреден предмет и да го движи десно, лево, горе, долу и да примети дали уредно го прати во просторот. Другиот начин е да се види дали се буни при затворање на едното око, односно дали преферира да гледа со едното око повеќе, што би значело дека послабо гледа со другото. Во однос на кривењето на очињата, родителите сами приметуваат дека едното или двете очиња „бегаат“ кон внатре, што е почесто кривење, или кон надвор. Често кај децата кои имаат широк корен на носот, што се нарекува епикантус, може да има лажно кривење или псеудострабизам. Во секој случај доколку родителот примети дека детето послабо прати предмети во просторот или има кривење на очињата, треба да го однесе на преглед кај офталмолог.
До првата година од животот, прегледот се изведува потешко заради лоша соработка, а офталмологот може да го провери видот на неколку ориентациони начини, а тоа е да му покаже одреден предмет и да го движи десно, лево, горе, долу и да примети дали уредно го прати во просторот. Другиот начин е да се види дали се буни при затворање на едното око, односно дали преферира да гледа со едното око повеќе, што би значело дека послабо гледа со другото
Во втората и третата година веќе може да соработува да покажува одредени слики и да се изведат одредени тестови. После третата година, децата веќе подобро соработуваат и тогаш видот може да се провери со покажување на слики или знакот Е, а детето да покажува во која насока се краците. Може да се направи и целосен преглед на фундус на окото. Во овој период родителите можат да го подготват детето за прегледот, да му опишат како ќе се одвива, а дополнително дома можат да испринтаат слики или буква Е и да му објаснат што треба да покажува.
Што може да ви препорача офталмологот на прегледот?
По потреба офтламологот може да ординира очила доколку се утврди дека детето има диоптрија. Кај одредени кривења на очите, може да настане исправање и само со ординирање очила. Доколку не, офталмологот ќе ви препорача дополнителни вежби, за подобрување на видот и кривењето или интервенција. Офталмологот зависно од потребата ќе ви назначи и контрола, но сепак редовните прегледи продолжуваат еднаш годишно.
