ПИШУВА:
Д-р Маќули Хаџи-Лега
специјалист по гинекологија и акушерство
♦♦♦♦♦♦♦
Епизиотомијата, особено кај прворотките е на некој начин и неминовна, иако некои школи, посебно Американската, сега заговараат односно практикуваат да се остави спонтано да се одвива раѓањето и доколку настане расцеп да се сошие.
Епизиотомија е хируршки начин да се заштити перинеумот (перинеум или меѓичка се нарекува делот кој се наоѓа помеѓу вагината и аналниот отвор) од неконтролирано пукање за време на породувањето. Сечењето на кожата и поткожното ткиво се прави во должина од неколку сантиметри странично најчесто кон десно. Со оглед на јакиот притисок кој го прави бебето врз нервните завршетоци во перинеумот, моментот на правење на резот не се ни чувствува. Станува збор за релативно мала интервенција, која лесно се совладува, а со епидуралот родилките, исто така, не чувствуваат болка при шиењето, а доколку чувствуваат им се дава краткотрајна интравенска анестезија, пациентката малку ќе поспие.
Кај нас е школата да се направи епизиотомија, значи се прави адекватна проценка дали може да пројде плодот без епизиотомија или не може. Најчесто се сече на десната срамна усна, се пресекува околу 2-3 см за да може бебето полесно да помине и да не дојде до застој во раѓањето.
Заздравувањето не е комплицирано, епизиотомијата зараснува за неколку дена. Нормално првите неколку дена постои некоја нелагодност, жените се плашат да одат во тоалет и тогаш ние ги охрабруваме да одат, да не се плашат дека ќе им прсне епизиотомијата затоа што тоа апсолутно не е точно!
По породувањето, кога ќе излезе и постелката, се прави преглед на грлото на матката, вагината и перинеумот и се зашива резот.
Кај прворотките во 90% од случаите се прави епизиотомија, додека кај второ или треторотки пациентката веќе има искуство и знае, ја има совладано техниката за раѓање, па генерално, инсистираме да не правиме епизиотомија, но секако, доколку има потреба се прави и за второ и треторотка ако на пример е покрупен плодот итн.
Компликации
Можни се компликации и при епизиотомија. Во медицината нема правила, може да настане некој хематом, внатрешно да крвави епизиотомијата ако не се фатат убаво крвните садови, а тоа подрачје е богато со крвни садови и може внатрешно да направи хематом… Секогаш на пациентките им потенцираме: ако забележат односно имаат голема болка или се јави некоја модринка надворешно во таа регија, без разлика и да се веќе дома по породувањето, да се јават на лекар. Секако ако е некој поголем хематом – ќе ги боли и неминовно ќе мора да се јават на лекар.
Заздравување
Заздравувањето не е комплицирано, епизиотомијата зараснува за неколку дена. Нормално е во првите неколку дена да постои некоја нелагодност, жените се плашат да одат во тоалет и тогаш ние ги охрабруваме да одат, да не се плашат дека ќе им прсне епизиотомијата затоа што тоа апсолутно не е точно!
Веднаш по породувањето најдобро е да одмораат и да не стануваат од кревет неколку часа. Во првите неколку недели да не се претерува со движење иако добро се чувствуваат, и да не се крева ништо тешко (на пример, постарото дете) или да се извршуваат некои потешки работи.
Во медицината нема правила, може да настане некој хематом, внатрешно да крвави епизиотомијата ако не се фатат убаво крвните садови, а тоа подрачје е богато со крвни садови и може внатрешно да направи хематом… Секогаш на пациентките им потенцираме: ако забележат односно имаат голема болка или се јави некоја модринка надворешно во таа регија, без разлика и да се веќе дома по породувањето, да се јават на лекар
Нега
Најдобра нега на епизиотомијата е сушење. Убаво исушете се откако ќе се измиете, на тој начин превенирате воспалување и инфекција. Може да се користи и фен со кој нежно ќе ја исушите чувствителната регија. Важно е раната да се одржува сува и да не се покрива – одбегнувајте да носите гаќи (земете специјални мрежести). Во овој предел е очекувано да чувствувате умерена болка во првите денови по породувањето. Во првите неколку недели избегнувајте да употребувате какви било козметички препарати во областа на вагината и препоните, а бањањето во топла купка оставете го за понатаму. Почесто вежбајте вежби за перинеум: стегање и опуштање на мускулите како при мокрење.
