ПИШУВА:
Д-р Маќули Хаџи-Лега
специјалист по гинекологија и акушерство
♦♦♦♦♦♦♦
Многу често, а и докажано е дека жените со фамилијарна анамнеза по мајчина линија (мајка, баба, прабаба) имаат повеќе шанси за спонтана повеќеплодова бременост, близнаци, тројка. Од досегашното искуство кај 90% од овие бремености анамнезата покажала дека мајката на трудницата или бабата односно прабабата имала близнаци.
Настанување на близначка бременост – може да се еднојајчани, исти и по генетика и по пол и по изглед, кога ембрионот кога ќе се оплоди јајната клетка ќе се подели на два и тогаш тие се идентични, со ист генетски материјал. Двојајчани се кога ќе се оплодат во еден циклус две различни јајни клетки – тие се сосема различни, браќа, сестри или брат и сестра, но не личат воопшто и се како од две различни бремености, но носени во исто време. Тоа настанува кога мајката во еден циклус имала два фоликули, што е ретко, и двата ќе прснат, ќе се оплодат и настанува бременост.
Близначката бременост спаѓа во групата на високоризични бремености
Близначката бременост сама по себе спаѓа во групата на високоризични бремености и навистина како таква треба и да се третира. Кај овие жени почесто се јавува зголемен крвен притисок, отоци и мајката е навистина позагрозена во таа бременост отколку во единечните бремености и затоа треба да и се посвети многу повеќе внимание. Покрај мајката треба да се внимава и на плодовите, ако се двојајчани, со две постелки може да се наруши комуникацијата помеѓу нив, па едниот да се исхранува добро, а другиот не. Со современото инванзивно акушерство дури и интраутерино се влегува ендоскопски во матката па се прекинува таа комуникација за да може да се хранат нормално. Ризикот по бебињата секогаш постои токму од тие предвремени породувања кај близнаците – тоа е и најголем ризик.
Породување со близнаци
Дали по дифолт близначките бремености завршуваат со породување со царски рез? Не мора да значи, но во висок процент е така. Просечно една близначка бременост трае 35 недели и 4 дена, значи завршуваат некаде во 8. месец или 5-6 недели порано. Прво, просторот во матката и механички е помал. Сме имале и случаи кога ќе истераат и 38–39. недели. Во принцип, се чека некаде до 38. недела, а после тоа мора да се заврши раѓањето затоа што во секој случај се загрозени, стиснати во матката, може да се прекине циркулацијата кај едниот и нема поента да се држат до 40 гестациска недела.
Носењето близнаци подразбира поинаква грижа на жената во бременоста. Жената што носи близнаци или тројка треба повеќе да одмора, работните обврски после првите неколку месеци да бидат во мирување, а жената да биде дома, адекватно и на месечно ниво убаво да се следи: лабораторија, притисок, грлото на матката да се мери почесто за да се види да не има некое скратување, ако треба да се дава гестагена терапија за поддршка која ние рутински ја даваме, се дава и за зреење на плодот итн.
Породувањето зависи од поставеноста на близнаците. Ако се и двата главично поставени, нема причина да не се проба и спонтано породување. Ако е едниот карлично, посебно првиот, се оди директно на царски рез затоа што во таа позиција нема шанси за спонтано породување. Генерално повеќеплодовите бремености завршуваат со царски рез, посебно оние од ин витро, кои се со зголемен ризик и се долгоочекувани бремености каде што не смее да се ризикува.
Грижа на жената со близначка бременост
Носењето близнаци подразбира поинаква грижа на жената во бременоста. Жената што носи близнаци или тројка треба повеќе да одмора, работните обврски после првите неколку месеци да бидат во мирување, а жената да биде дома, адекватно и на месечно ниво убаво да се следи: лабораторија, притисок, грлото на матката да се мери почесто за да се види да не има некое скратување, ако треба да се дава гестагена терапија за поддршка која ние рутински ја даваме, се дава и за зреење на плодот итн. Овие бремености се навистина во групата на високоризични бремености и како такви треба да се третираат.
Во денешно време на ин витро токму поради сите тие ризици – чести спонтани или предвремени рани породувања во 31-32 или во 28. недела кога тешко и преживуваат и се и со помала родилна тежина, актуелните ставови на ин витро се да се враќа по еден ембрион во матката, а само ако е жената повозрасна над 40 год. се враќаат два, затоа што статистиката покажува дека ризикот е многу поголем.
◊◊◊◊◊◊◊
ПОВЕЌЕ ОД ИСТИОТ АВТОР, Д-Р МАЌУЛИ ХАЏИ-ЛЕГА:
- При појава на крвавење во бременоста, па и најмала сукрвица трудниците треба што побрзо да се јават на лекар
- Кај надносени бебиња често се јавува заматена плодова вода, а тоа е знак дека породувањето треба да се изврши брзо
- И без првата менструација може повторно да останете бремени краток период после породувањето
- „ЕПИДЕМИЈА“ НА ЦАРСКИ РЕЗОВИ Mлади, здрави жени, без патологија инсистираат да се породат со царски рез
- Кај 90% од прворотките се прави епизиотомија, најчесто се сече на десната срамна усна за да може бебето полесно да помине
