ПИШУВА:
Д-р Маќули Хаџи-Лега
специјалист по гинекологија и акушерство
♦♦♦♦♦♦♦
Состојби кои доведуваат до високоризична бременост
Покрај близначката бременост која спаѓа во високоризични бремености, овие бремености ги имаме и кај пациентки со аномалии на матката, на пример, еднорога матка, со прегради на матката, каде што имало преграда т.н. септум кој е отстрануван хистероскопски. Сите тие се под поголем ризик поради помалиот простор којшто е во матката што може да резултира со предвремено породување или спонтан абортус. Тие аномалии најчесто така и се откриваат – жената има две-три бремености, кои завршуваат како спонтани абортуси и тоа е аларм да се провери каква е состојбата на матката, тогаш се утврдуваат утерини аномалии, коишто се вродени и кои во денешно време со оваа хирургија, ендоскопска, хистероскопска, генерално се решаваат добро, но сепак, овие жени спаѓаат во групата на високоризични бремености.
Исто така, високоризична бременост има и жена којашто имала прееклампсија или еклампсија во претходна бременост. Овие жени се под зголемен ризик, иако не е правило, но има поголеми шанси повторно да се појави оваа состојба. Понатаму, жени со моларна бременост, молахидатидоза, тоа е една состојба на неуредна бременост, тие што еднаш имале таква бременост која треба да се прекине затоа што ембрионот не се развива адекватно, имаат поголеми, високи шанси (не е правило) повторно да имаат таква бременост и спаѓаат во групата на високоризични бремености.
Пациенти кои имаат проблеми со видот, со висока диоптрија или претходно аблација на ретината, тоа се контраиндикации за бременост, но ако веќе останале бремени, треба внимателно да се следат и да се завршува бременоста со царски рез за да не дојде до зголемен напор кој би довел до оштетување на очите
Кардиоваскуларни заболувања – жена која има анамнеза за срцеви заболувања, исто така и бубрежни заболувања, жена со дијализа, ним им се советува да не остануваат бремени, а ако останат тоа е на сопствен ризик. Жени коишто имаат проблеми со крвните садови, претходни тромбози, емболии, пореметување на фактори на хемостаза, вродени или стекнати… – сите тие се во групата на високоризични и треба убаво да се евалуираат и да им се даде вистински совет дали е оправдана нивната бременост бидејќи таа состојба може да им биде животозагрозувачка и треба убаво да размислат пред да останат бремени. Во однос на кардиоваскуларните болести, денешната кардиохирургија е толку напредната што сме имале и случаи со бајпаси, и оперирани жени, се сеќавам на пациентка со комплексна аномалија на срцето, која беше оперирана, па остана бремена и се породи, ја износи бременоста, но беше во група на високоризични бремености.
Пациенти кои имаат проблеми со видот, со висока диоптрија или претходно аблација на ретината, тоа се контраиндикации за бременост, но ако веќе останале бремени, треба внимателно да се следат и да се завршува бременоста со царски рез за да не дојде до зголемен напор кој би довел до оштетување на очите.
Жена која имала прееклампсија или еклампсија во претходна бременост е под зголемен ризик, како и жени со моларна бременост, молахидатидоза, тоа е една состојба на неуредна бременост. Тие што еднаш имале таква бременост која треба да се прекине затоа што ембрионот не се развива адекватно, имаат поголеми, високи шанси (не е правило) повторно да имаат таква бременост и спаѓаат во групата на високоризични бремености
Има пациенти кои и покрај лекарскиот совет инсистираат да станат родители… Желбата за родителство некогаш е поголема и пациентите на сопствен ризик остануваат бремени, но запознаени се со целата состојба и ризикот кој таа го носи.
Автоимуните болести, исто така, се животозагрозувачки и навистина е потребна мултидисциплинарна проценка. Скоро имаше неколку случаи на пациентки со лупус, тоа е системска болест која е во високоризични болести, а посебно во бременоста знае да биде потенцирана и да направи голем ризик по мајката. Токму затоа е потребно да се направи добра евалуација на состојбата на жената и да и се укаже добро на ризиците, затоа што во моментот може да е се добро, болеста да е во ремисија, но да се активира со самата бременост и да биде животозагрозувачка. Кај мултипна склероза – се размислува дали на овие жени воопшто да им се дозволи да остануваат бремени затоа што после бременоста состојбата многу им се влошува.
◊◊◊◊◊◊◊
ПОВЕЌЕ ОД ИСТИОТ АВТОР, Д-Р МАЌУЛИ ХАЏИ-ЛЕГА:
- Повеќеплодовите бремености, генерално, завршуваат со царски рез
- При појава на крвавење во бременоста, па и најмала сукрвица трудниците треба што побрзо да се јават на лекар
- Кај надносени бебиња често се јавува заматена плодова вода, а тоа е знак дека породувањето треба да се изврши брзо
- И без првата менструација може повторно да останете бремени краток период после породувањето
- „ЕПИДЕМИЈА“ НА ЦАРСКИ РЕЗОВИ Mлади, здрави жени, без патологија инсистираат да се породат со царски рез
- Кај 90% од прворотките се прави епизиотомија, најчесто се сече на десната срамна усна за да може бебето полесно да помине
