ПИШУВА:
Д-р Олгица Николовска,
специјалист педијатар – неонатолог
ONE Hospital – Тетово
♦♦♦♦♦♦♦
Рефлукс и регургитација се медицински термини кои го опишуваат процесот на враќање на мали количини храна (млеко) после оброкот. Рефлуксот и регургитацијата се различни поими, но во поглед на ефектот врз бебето и лечењето се поврзани. Рефлуксот е враќање на храната од желудник во езофагус, а регургитација е процес при кој храната од желудникот преку езофагусот се враќа во устата и истекува надвор. Ова настанува без напрегање, без напор, без вознемиреност на бебето.
Што е тивок рефлукс кај бебето?
Нормален рефлукс е кога бебето го исфрла млекото кое се враќа од неговиот стомак. Меѓутоа во некои случаи бебињата успеваат млекото кое се враќа повторно да го проголтаат наместо да го исплукаат. Кај некои бебиња млекото се враќа, но не стига до устата. Ова е познато како тивок рефлукс.
Симптоми кои укажуваат на тоа дека бебето има рефлукс се воглавно поврзани со неговото расположение кое се менува во зависност кога го прима оброкот. Бебето често подждригнува или ика, одеднаш почнува да плаче или е вознемирено поголем дел од времето. Често се буди и има немирен сон, раздразливо е
Симптоми на тивок рефлукс: Тивкиот рефлукс не е секогаш очигледен. Бебето многу плаче, особено по хранењето. Кога ќе го испие млекото многу брзо ќе има проблем и бебето ќе стане раздразливо, плачливо и немирно. Може да се забележи како бебето голта по оброкот во време кога сигурно нема млеко во устата, во тој момент може да има тивок рефлукс. Тоа се случува кога содржината од желудникот доаѓа до грлото на бебето што му предизвикува голема непријатност.
Рефлуксот е нормална физиолошка појава која настанува околу 2-3 недели по раѓањето, најизразена е околу 4. и 5. месец и се губи до 12. месец. 30-50 % од здравите бебиња доживуваат рефлукс и регургитација неколку пати дневно во првата година од животот. Најчеста причина за настанување е слабост и незрелост на долниот езофагеален прстен (мускул) кој има функција да ја задржи храната во желудникот. Блуцкаат повеќе, па загриженоста на родителите расте.
Останати причини за рефлукс може да се и тоа што повеќето од времето бебињата го поминуваат лежејќи, нивната исхрана воглавно е течна, незрел ГИТ, примање на поголеми количини на млеко или храна, при алергија на протеини на кравјо млеко еден од симптомите е рефлукс или регургитација, бебиња кои се прејадуваат, кои се лакоми па голтаат воздух или се хиперактивни по оброкот па тоа влијае на враќањето на храната.
Треба да се напомене дека детето кое има рефлукс или регургитација најчесто е здраво, среќно, напредува во килажа, има добар сон и здрава конституција. Во моментот кога рефлуксот создава потешкотии како слабо напредување во тежина, повраќање во млазеви, оштетување на езофагусот, повраќање на зеленкаста или жолтеникава течност, трае и после првиот роденден, бебето има и други стомачни тегоби, настанува состојба на гастроезофагусна регургитациска болест која понатаму бара медицински иследувања и соодветна терапија и третман
Симптоми кои укажуваат на тоа дека бебето има рефлукс се воглавно поврзани со неговото расположение кое се менува во зависност кога го прима оброкот. Бебето често подждригнува или ика, одеднаш почнува да плаче или е вознемирено поголем дел од времето. Често се буди и има немирен сон, раздразливо е, често прави специфичен лак на телото при што го витка вратот и грбот пред и после хранење.
Секако треба да се напомене дека детето кое има рефлукс или регургитација најчесто е здраво, среќно, напредува во килажа, има добар сон и здрава конституција. Во моментот кога рефлуксот создава потешкотии како слабо напредување во тежина, повраќање во млазеви, оштетување на езофагусот, повраќање на зеленкаста или жолтеникава течност, трае и после првиот роденден, бебето има и други стомачни тегоби, настанува состојба на гастроезофагусна регургитациска болест која понатаму бара медицински иследувања и соодветна терапија и третман.
