Д-р Предраг Кон, епидемиолог и член на Кризниот штаб на Владата на Србија за заштита од коронавирус во ТВ гостување по повод почетокот на новата учебна година изјави дека е задолжително да се носат маски во училиштата, но не еднослојни, ниту пак двослојни туку трослојни маски.
„Најверојатно ќе се одржува комбинирана настава. За учениците од петто до осмо одделение, наизменично ќе се оди на настава на далечина. Тоа ќе го одреди секое училиште. Овде треба да се нагласи медицинскиот дел, а тоа е задолжителното носење маски. Тоа не треба да бидат еднослојни платнени маски, туку трослојни маски. Тоа е многу важно и не е сеедно. Доколку се почитуваат мерките, тогаш нема да биде неопходно да се прави целосна изолација на секое одделение каде што ќе влезе вирусот“, изјавил д-р Кон.
