„Многу е веројатно дека делта сојот на коронавирус ќе циркулира во текот на летото, особено кај младите луѓе кои не се на списокот за вакцинација“, изјави директорката на Центарот, Андреа Амон
Делта сојот на коронавирус, кој е особено заразен, може да достигне до 90 % од учеството на нови случаи на инфекција во Европската унија до крајот на август, објави денеска Европскиот центар за превенција и контрола на болести.
„Многу е веројатно дека делта сојот на коронавирус ќе циркулира во текот на летото, особено кај младите луѓе кои не се на списокот за вакцинација“, изјави директорката на Центарот, Андреа Амон.
Иако Алфа варијантата на коронавирусот претходно откриена во Велика Британија сè уште е доминантна во Европа, Центарот предвидува дека делта сојот, првично пронајден во Индија, ќе претставува 70 % од новите инфекции во ЕУ до почетокот на август и 90 % до крајот на тој месец.
Европскиот центар, кој наведува дека делта сојот е позаразен од 40 до 60 проценти од другите, повикува на забрзување на вакцинацијата. Центарот исто така повикува на претпазливост при укинување на мерките воведени поради пандемија на коронавирусот.
