Сте се запрашале ли некогаш, колку е добро за детето да спие со цуцла во устата? Јасно е дека повеќето бебиња побрзо и полесно заспиваат на тој начин, но ваквиот начин на спиење може да има и свои лоши страни.
Цуцлата на бебињата главно им претставува големо задоволство, но доколку го доите бебето, почекајте малку со примената на цуцла. Се препорачува бебето да има најмалку еде месец, за да бидете сигурни дека навиката за доење е воспоставена. Не смеете да дозволите, нагласуваат педијатрите, цуцлата да биде замена за тоа.
Во тој период избегнувајте цуцла, така што ќе го милувате, нишкате и ќе му пеете на своето бебе. Бидете сигурни дека бебето е сито, пред да почнете со успивање.
Мислењата за цуцла во сон се поделени. Постои голем број стручњаци кои го застапуваат мислењето дека е лошо за детето ако спие со цуцла, додека пак други уверуваат дека тоа е добро за бебињата.
Спроведени се студии кои покажале дека цуцањето цуцла за време на спиење, може да спречи СИДС синдром, познат како синдром на ненадејна смрт. Друго истражување покажало дека бебињата постари од шест месеци, кои не може да се одвојат од цуцла, многу лесно добиваат инфекции на увото, габични инфекции, инфекции на цревата и други проблеми.
Фазата на одвикнување од цуцла е прилично стресна и исцрпувачка за родителите.
Доколку детето до петта година се одвикне од цуцла, тоа нема да има долгорочни проблеми кога станува збор за здравјето на забите, бидејќи пред шестата година не се појавуваат трајни заби. Доколку состојбата е обратна, побарајте стоматолошки совет за вашето дете.
