Дали постои вистинско време кога детето смее да користи ножици? Ова прашање си го поставил секој родител во даден момент од развојот на детето.
Најголем број родители велат дека на осум години детето може да користи ножици, според нивното искуство.
Децата обожаваат да си играат, да прават некакви креативни игри, да сечкаат, да лепат, да поврзуваат хартија. За тоа се потребни ножици.
Важно е, колку години и да има детето, да постои надзор од некој возрасен. Иако им верувате и сметате дека се одговорни, најдобро е да ги следите.
Одговорот на прашањето не може да биде конкретен, бидејќи тоа зависи од самото дете и од неговото ниво на зрелост.
Веќе на четири години децата почнуваат да бараат работи кои ги прават возрасните. Сакаат да бидат корисни, да добиваат инструкции, но и да истражуваат. Многу е можно да уште тогаш ќе ви побараат ножици за некој нивен “проект“.
Сепак, бидете претпазливи кога и да одлучите на детето да му дадете ножици во рака. Детето не знае да биде комплетно внимателно, може да падне на нив и да се повреди.
