![9 (7)](https://pedijatar.mk/wp-content/uploads/2024/07/9-7-696x365.jpg)
Децата најмногу уживаат во играњето на плажа, особено кога станува збор за песочна плажа каде од песок можат да направат разни форми. Меѓутоа, сите родители знаат дека треба да бидат особено внимателни кога имаат бебе или мало дете бидејќи момент на невнимание е доволен за најмалите да стават песок во устата.
Она што треба да го знаете е дека нема причина за паника доколку тоа се случи, иако секако, постои мал ризик бидејќи песокот може да биде контаминиран од разни работи.
Ризик од бактерии и задушување
„Најчесто, консумирањето песок е безопасно. Меѓутоа, песокот може да биде контаминиран со фекални материи и разни бактерии, особено ако е влажен“, вели педијатарот д-р Ранди Нелсон.
Освен тоа, дури и кога станува збор за чист песок, односно оној кој не е контаминиран со разни бактерии и фекални материи, постои ризик од задушување.
„Јадењето големи количини песок може да претставува ризик од задушување или опструкција на цревата“, предупредува д-р Нелсон.
Доколку се случи детето да изеде песок, особено поголема количина, советот на педијатарот е да се обрне внимание на симптомите како што се дијареа, повраќање, болки во стомакот и/или треска. Ако забележите некој од овие симптоми, веднаш контактирајте го педијатар.