Себичноста е нормална развојна фаза која минува кога детето расте и станува позрело.
Себичноста кај децата помлади од три години е сосема вообичаена појава, затоа внимателно следете ја заедничката игра на децата, за да не се случи физичка пресметка, туркање, влечење, земање…
Трпеливо и континуирано давајте му на детето со знаење дека е во ред доколку друго дете сака да ја земе неговата играчка и објаснете му дека сигурно таа играчка и ќе му ја врати.
Сепак, имајте предвид дека постојат играчки кои вашето дете ги обожава и кои не сака да ги дели со други. Тие играчки ставете ги настрана, само за него, за да има чувство дека ја контролира ситуацијата, истакнуваат педијатрите. Ако детето не сака да дели играчки, не го принудувајте и не му се заканувајте, оти така може да предизвикате спротивен ефект.
Дете постаро од три години, доволно е старо да можете да му објасните дека делењето и заедничката игра не е исто што и поседување. Охрабрувајте размена и позајмување.
Доколку на другарче на вашето дете му се допаѓа некоја играчка, охрабрете го детето да му ја позајми “до утре“ или поттикнете ги да си ги разменат играчките. Воведете пракса вашето дете да подарува на други деца, играчки кои веќе не ги користи.
