Адолесценцијата е еден од најважните периоди за развој на мозокот. Сознанијата покажуваат дека секое користење на мобилниот телефон нема ист ефект врз младите – најголемата разлика се забележува кај оние кои постојано ги проверуваат социјалните мрежи.
Многу е веќе напишано за опасностите од прекумерното време пред екран – дека ни ја ослабува самоконтролата и ја нарушува концентрацијата, но дали мобилните уреди навистина можат да влијаат на развојот на мозокот?
Во студијата, објавена во JAMA Pediatrics, а спроведена од страна на истражувачите од Универзитетот во Северна Каролина (UNC Chapel Hill), научниците сакале да проверат дали мозокот на адолесцентите се разликува во зависност од тоа колку често ги проверуваат апликациите за социјални мрежи, како што се Фејсбук и Инстаграм.
Истражувачите откриле дека со тек на време, тинејџерите кои често ги проверувале социјалните мрежи станале почувствителни на социјалната повратна информација во задачата „Social Incentive Delay“ – односно, нивната реакција на социјални сигнали станала поинтензивна
Во период од три години, тие на тинејџерите од 12 до 15 години им давале задача наречена „Social Incentive Delay“ – игра во која им се прикажувале лица на други адолесценти со позитивни, негативни или неутрални изрази. Испитаниците биле поделени во две групи – „нехабитуални“ корисници (оние што ретко ги проверуваат социјалните мрежи) и „хабитуални“ корисници (оние што тоа го прават често).
Истражувачите откриле дека со тек на време, тинејџерите кои често ги проверувале социјалните мрежи станале почувствителни на социјалната повратна информација во задачата „Social Incentive Delay“ – односно, нивната реакција на социјални сигнали станала поинтензивна. Исто така, биле забележани и корелациски промени во мозочните снимки што значи дека постои јасна разлика во мозочната активност меѓу оние кои редовно ги проверуваат мрежите и оние кои тоа не го прават.
Она што сè уште не е јасно од оваа студија е дали овие промени се добри или лоши – дали зголемената чувствителност на социјални повратни информации е проблематична? Потребни се дополнителни истражувања за подобро да се разбере кои се последиците од овие промени во развојот на мозокот.
Овие сознанија ја потсетуваат научната јавност, но и родителите, дека адолесценцијата е чувствителен период во кој навиките – дури и оние поврзани со телефонот – можат да влијаат на тоа како се обликува мозокот.
