Дали носењето две маски обезбедува поголема заштита од COVID-19?
Зависи, но можно е носењето две маски да помогне во одредени ситуации, пишува АП.
♦♦♦♦♦♦♦
Американскиот центар за контрола и превенција на болести (CDC), препорачува за заштита од коронавирус, да се носат двослојни или повеќеслојни платнени заштитни маски, кои го покриваат носот и устата. CDC вели дека маската мора да е припиена на лицето и дека никаде не смее да има празен простор помеѓу маската и лицето.
Експертот за инфективни болести д-р Дејвид Хамер од Универзитетот во Бостон вели дека една маска би требало да биде доволна во повеќето ситуации – под услов лицето да ја носи правилно. „Клучно е да имате добра маска“, вели Хамер.
Експертот за инфективни болести д-р Дејвид Хамер од Универзитетот во Бостон вели дека една маска би требало да биде доволна во повеќето ситуации – под услов лицето да ја носи правилно. „Клучно е да имате добра маска“
Меѓутоа, некои луѓе, особено оние со поопасни коморбидитети или оние кои долго ќе престојуваат во близина на други луѓе, можеби ќе треба да посегнат кон дополнителна заштита.
Експертката за инфективни болести д-р Моника Ганди од Универзитетот во Сан Франциско, вели дека овие луѓе би можеле да носат хируршка маска под платнената маска во такви ситуации.
Ганди вели дека двете маски би можеле донекаде да го имитираат ефектот на маската N95. Секој што ќе престојува подолго време во затворен простор каде што постои голема веројатност за пренесување на вирус, би требало да носи две маски.
Лекарката додава дека постои уште една опција – двослојна платнена маска со филтер помеѓу слоевите на ткаенина.
