Ако ги прашате родителите на момчињата што е потешко да се воспита и порасне – момче или девојче, тие несомнено ќе ви кажат момчиња. Веројатно родителите на девојчињата ќе мислат дека е полесно да се воспитуваат момчиња, но факт е дека, особено во денешно време, не е лесно да се воспита дете од кој било пол.
Сепак, оваа тема ги интересирала и научниците, кои се ангажирале со ова прашање и дошле до одговор дека мозокот на родителите кои имаат машки деца побрзо старее и во оваа смисла изгледа како да е сепак малку потешко да се има син.
Студијата е спроведена на повеќе од 13.000 родители на возраст над 50 години, а побрз когнитивен пад е забележан кај оние кои имаат барем еден син, во споредба со оние кои немаат момчиња. Исто така, оние кои имаат повеќе од едно момче имаат полоши когнитивни способности од оние кои имаат само ќерки, покажало истражувањето спроведено од научници од САД и Чешка.
За волја на вистината, тие не истражувале што го предизвикало овој когнитивен пад, но сметаат дека можеби олеснителна околност е тоа што ќерките почесто се грижат за своите родители кога ќе остарат, да бидат нивна емоционална поддршка и да се грижат за нивното здравје.
Од друга страна, родителите кои имаат синови се помалку склони да имаат некои поздрави животни навики.
Студијата исто така покажала дека родителите на женските деца се помалку склони да пијат алкохол, пушат цигари или да користат дрога подоцна во животот, додека мајките на машките деца имаат поголема веројатност да имаат проблеми со прекумерна тежина.
Брзината на когнитивно опаѓање е слична кај мајките и татковците, а научниците нагласуваат дека ефектот е ист, без разлика дали децата се биолошки или посвоени.
Сепак, резултатите од оваа студија не треба да се сфаќаат премногу сериозно бидејќи дефинитивно не е лесно да се порасне ниту ќерка ниту син.
