Кога вашето дете ќе се расплаче во продавница или во ресторан, може да биде тешко да се одолее на искушението да му го дадете она што го сака за да се смири и да се ослободите од љубопитните погледи на минувачите. Меѓутоа, прекумерното удоволување на детето може да има несакани последици, вели детскиот психолог Лорен Силверс.
„Понекогаш мора да направите нешто што можеби не ви се допаѓа за да ги пребродите тешките моменти и да ги спречите последиците кои можат да ви се одбијат од глава и на вас и на вашето дете“, вели психологот специјализиран за социјални вештини и проблеми во однесувањето во детството.
Силверс напоменува дека прекумерното угодување не е исто што и разгаленоста. Прекумерното угодување им го олеснува животот на родителите, додека разгалувањето се однесува на потребите и желбите на детето.
Доколку сакате да знаете дали премногу му удоволувате на вашето дете, поставете си четири прашања:
- Дали моите постапки го попречуваат развојот на детето?
- Дали му давам неразмерна количина на внимание, играчки, работи или пари на детето?
- Дали правам некои избори кои повеќе ми користат мене, отколку на детето?
- Дали однесувањето на детето на некој начин им штети на другите, општеството или планетата?
Ако одговоривте потврдно на кое било од овие прашања, веројатно му угодувате на вашето дете до потенцијално штетен степен.
„Поставете одредени правила и потоа држете се до нив. Ако веќе некое време претерано им угодувате на вашите деца, повлекувањето ќе предизвика непријатен одговор. Но гледано на долг рок, тоа ќе му помогне на вашето дете да стане одговорна, независна возрасна личност“, порачува Силверс.
