Неколку студии покажаа дека коронавирусот влијае и на работата на мозокот, а се проценува дека скоро 80% имаат невролошки симптоми. Овие симптоми можат да вклучуваат конфузија или делириум и можат да укажуваат на посериозни состојби како што се ниско ниво на кислород, напади и мозочен удар
Досега голем број на симптоми се поврзуваат со COVID-19, а брзото откривање на болеста е клучно за да се дејствува навреме и да се спречи нејзино напредување. „Ако имате кој било од овие знаци, веднаш побарајте итна медицинска помош“, порачуваат од Американскиот центар за контрола и превенција на болести (CDC).
- Потешкотии со дишењето
Некои луѓе заболени со Ковид може да имаат потешкотии со дишењето, што исто така може да биде поврзано со анксиозност. Ако ова трае привремено, нема потреба да се грижите. „Меѓутоа, ако дишете потешко од кога било досега, и имате потешкотии секој пат кога ќе се обидете да вдишете, контактирајте го вашиот лекар“, објаснуваат експертите од „Harvard Health“.
- Болка или притисок во градите
Ако чувствувате болка или притисок во градите, тоа може да укажува на сериозна состојба на белите дробови или срцева епизода. Уште во раните денови на пандемијата, лекарите забележаа дека многу хоспитализирани пациенти имаат проблеми со срцето. Грег Фонароу, раководител на одделот за кардиологија на Универзитетот во Лос Анџелес, истакнува дека околу една четвртина од хоспитализираните пациенти со Ковид имале сериозни срцеви компликации, вклучувајќи миокардитис и срцева слабост.
Ако кај пациентот заболен со Ковид-19 се појават сини усни или лице, тоа најчесто укажува на тоа дека лицето има екстремно ниско ниво на кислород. Во тој случај, треба веднаш да контактирате со вашиот лекар
- Збунетост
Неколку студии покажаа дека коронавирусот влијае и на работата на мозокот, а се проценува дека скоро 80% имаат невролошки симптоми. Овие симптоми можат да вклучуваат конфузија или делириум и можат да укажуваат на посериозни состојби како што се ниско ниво на кислород, напади и мозочен удар, пренесува „Best life“.
- Неможност да се разбудите или да останете будни
Ако некое лице ја изгуби свеста поради болеста, дефинитивно е потребно да се контактира со лекар, а тоа важи и кога станува збор за коронавирус.
- Сини усни или лице
Ако кај пациентот заболен со Ковид се појават сини усни или лице, тоа најчесто укажува на тоа дека лицето има екстремно ниско ниво на кислород. Во тој случај, треба да контактирате со вашиот лекар. Нивото на кислород може да го проверите со пулсен оксиметар, а отчитувањата помеѓу 95 и 100 се сметаат за здрави, додека се што е под 95 обично се смета за причина за загриженост.
CDC наведува дека може да се појават и некои други симптоми и дека треба да се обратите на лекар ако забележите дека вашата состојба се влошила.
