Породување? Оф! Бидејќи еднаш сте поминале низ тоа искуство, прилично добро сте подготвени повторно да поминувате низ истата болка и останатите непријатности поврзани со породувањето.
Креветче и други работи
Одлуката да родите е една од најголемите која некогаш сте ја донеле (се до моментот кога ќе решите да родите и второ дете). Ниту посетата на советувалишта, ниту книгите за родителство, разговорите со пријателите кои веќе имаат второ дете, не може доволно добро да ве подготви за она што навистина ве очекува кога ќе добиете бебе.
Но, кога еднаш ќе поминете низ бројните ситуации како што се недостаток на сон, шетањето со влажна маица во пределот на градите, па притоа и носите еден куп работи кои можеби ќе му притребаат на детето… тогаш точно знаете во што се впуштате. Веќе сте поминале низ едно вакво искуство, па често ќе се прашувате: „Како ќе излеземе на крај со две мали деца„, или „Ќе можеме ли финансиски да издржиме?„
Психолозите тврдат дека родителите кои сакаат второ дете, најчесто растеле со брат или сестра, па сакаат и нивните деца да растат во семејство слично на нивното.
Безгранична љубов
Освен фнансисите и други реални грижи со кои се соочуваат мајките кои очекуваат второ дете, присутен е и стравот од тоа дали ќе може да го сакаат своето второ дете исто како и првото?
Психолозите тврдат дека многу жени се плашат од тоа дека нема да го сакаат второто дете, но кога бебето ќе се роди – љубовта одеднаш се појавува. Се раѓа со раѓањето на бебето.
Странец во соседната соба
Прилично е нормално партнерите да се одалечат со раѓањето на детето. Партнерот се чувствува запоставен, затоа што целото внимание на мајката е завртено кон бебето. Но, и ако таткото не е доволно посветен, кај мајката се појавува бес и лутина, што дополнително ќе ги одалечи. Но, доаѓањето на второто дете не мора да значи дека повторно ќе се одалечите од својот партнер. Заедно веќе се го поминале тоа, па вторто бебе може уште повеќе да го зајакне вашиот однос, но и да ја зголеми веќе стекнатата взаемна доверба.
Прилагодувањето на дневниот распоред на вашите деца ќе ви овозможи повеќе време да поминувате со партнерот и повторно да се зближите. И пред да станете свесни за тоа, ќе дојде ред за трето дете.
Како да го подготвите постарото дете
Кога ќе се враќате од болница со бебето, би било добро на постарото дете да му донесете играчка која претходно ја посакувал. Со подарокот ќе му покажете дека и понатаму ќе го сакате и ќе му ги исполнувате желбите и потребите. Активностите околу бебето организирајте ги така да се вклопат со дневниот распоред на постарото дете. На бебето нема да му пречи што неговиот ритам ќе биде усогласен според потребите на братчесто или сестричката, а на постарото дете многу ќе му значи тоа што нема да има големи промени и што и понатаму ќе може да си ги извршува вообичаените активности како и претходно.
