Од гас за смеење и породување во вода, до епидурална анестезија, со се подобра технологија многу почести пронаоѓаме различни начини за олеснување на породување по природен пат. Во последно време се попопуларно е хипнопородувањето, за чија популаризација се заслужни членовите на кралаското семејство, Меган Маркл и Кејт Мидлтон. Тие на своите породувања ја користеа оваа техника на опуштање, која пружа помирно, попозитивно и помалку болно породување.
Што е хипнопородување?
Оваа техника ја осмислила Мари Монган во 1989 година, која претставува техника што ги спојува техниките на дишење, опуштање, визелизација и водена медитација за жените, а која се учи во текот на целата бременост, за да последниот ден се користи со цел на полесно и попозитивно доживување на породувањето.
Жените кои ја учеле оваа техника откриле дека имале посмирено породување и многу помалку интервенции од страна на лекарот. Иако програмата не ја оспорува употребата на епидурална анестезија или други лекови против болки, јасно се истакнува дека во состојба на целосна опуштеност и со помош на самохипноза и длабоко дишење, ендорфинот од организмот почнува да го превзема телото, како и окситоцинот, што се дополнително олеснува.
Самохипнозата е влез во состојба на длабока медитација, со помош на водени медитации и вежби на дишење.
И да не успеете да влезете во таа состојба за време на породувањето, сепак е добро да се смирите во целост од време на време. Статистиката покажува дека жените во самохипноза, за 17% помалку барале епидурална анестезија, додека 20% помалку барале медицинска помош.
