Со оглед на тоа дека милиони луѓе ширум светот или се заразени со COVID-19 или веќе ја преболеле болеста, се поставува логично прашање – треба ли тие сепак да се вакцинираат ако веќе ја поминале инфекцијата со коронавирус?
Д-р Грегори Поланд од клиниката Мајо во Рочестер, САД смета дека постои можност луѓето кои имале само благи или никакви симптоми на болеста COVID-19 да не развиле долгорочен имунитет на болеста
Неколку странски експерти го дадоа своето мислење за потребата од вакцинирање на луѓе кои во моментов или се заболени од COVID-19 или веќе ја победиле болеста.
Оние што ја прележале болеста исто така ќе бидат прашани да застанат во редот за вакцинација, вели проф. д-р Вилијам Шафнер од Универзитетот Вандербилт. Тој понатаму појасни дека нема да се прави разлика помеѓу оние кои веќе биле заразени и оние кои досега не се инфицирале со коронавирусот.
Проф. д-р Шафнер исто така вели дека заштитата која се добива со вакцинацијата може да трае подолго од онаа стекната преку природна инфекција.
Многу експерти за болести за коронавирусите велат дека се меѓу оние кои предизвикуваат нецелосен имунолошки одговор. Ова е исто така и причината поради која науката сè уште нема најдено вистински и конечен лек дури ни за обична настинка.
Д-р Грегори Поланд од клиниката Мајо во Рочестер, САД смета дека постои можност луѓето кои имале само благи или никакви симптоми на болеста COVID-19 да не развиле долгорочен имунитет на болеста. Тој вели дека имунитетот обично се губи за неколку месеци, или најмногу од една до две години, со оглед на тоа што во моментов се во оптек четири бета-коронавируси во светот.
Понатаму, и д-р Амеш Адаља од Johns Hopkins Center for Health Security, вели дека иако природната инфекција обезбедува заштита за одреден временски период, сепак, се уште не може да се предвиди колку бил силен имунолошкиот одговор кај поединците.
Д-р Адаља додава дека вакцината кај оние кои ја прележале болеста COVID-19 дополнително би го зајакнал природниот имунитет на организмот, а со тоа и поефикасно би се спречило ширењето на болеста.
Во клиничките студии исто така учествувале и лица кои веќе биле заразени со новиот коронавирус. Тие ќе се следат со месеци и години за да се видат ефектите на вакцината врз нивниот имунитет, пишува „International Business Times“.
