Истражувањата години наназад покажуваат дека депресијата, стресот, осаменоста и лошото здравствено однесување може да го ослабат имуниот систем на телото и да ја намалат ефикасноста од одредени вакцини.
Нов извештај што треба да се објави во списанието Perspectives on Psychological Science сугерира дека тоа може да важи и за новите вакцини против КОВИД-19, како за оние во развој, така и за оние во раните фази на глобална дистрибуција. За среќа, тие негативни ефекти можно е да се намалат со едноставни чекори како физичка активност и спиење.
Иако ригорозни испитувања покажале дека досега одобрените вакцини против КОВИД-19 се многу ефикасни во создавањето силен имунолошки одговор, од тоа нема сите да имаат иста корист. Животната средина, генетиката, но и физичкото и менталното здравје на поединецот може да го ослабат имуниот систем на телото, забавувајќи го одоговорот на вакцината.
Тоа е посебно загрижувачки, оти новиот коронавирус и натаму беснее во светот, предизвикувајќи истовремено криза на менталното здравје, додека луѓето се носат со изолација и економска неизвесност. Таквите предизвици докажано ја намалуваат ефикасноста на вакцината, посебно меѓу повозрасните лица.
КОВИД-19 не влијае само на телото; пандемијата го разорува и менталното здравје, што предизвикува анксиозност и депресија. Емотивните стресори може да влијаат на имуниот систем, намалувајќи ја неговата способност да спречи инфекција, предупредува водечкиот автор на студијата, Анелис Медисон од Универзитетот Охајо Стејт.
Нејзината студија ја расветлува ефикасноста на вакцините, но и начините на кои здравственото однесување и емоционалните стресори може да променат способноста на телото да развие имунолошки одговор.
Вакцините делуват на имуниот систем. Неколку часа по вакцинирањето доаѓа до вроден, имунолошки одговор на клеточно ниво, оти телото почнува да ја препознава потенцијалната биолошка закана. Имуниот систем помага во создавање на антитела кои целат на одредени патогени. Континуираното производство на антитела помага да се одреди колку е егикасна вакцината во пружањето долготрајна заштита.
Добрата вест е дека вакцините КОВИД-19 се приближно 95 проценти ефикасни. Но, психолошките и бихевиоралните фактори можат да го продолжат времето потребно за развој на имунитетот и можат да го скратат времетраењето на имунитетот.
Факторите можат да се променат, велат истражувачите. Со неколку едноставни работи, почетната ефикасност на ваа физичка активност/вежбање и добар сон, еден ден пред вакцинацијата.
“Претходните истражувања сугерираат дека психолошките интервенции и однесувањето може да го подобрат одговорот на вакцината. Дури и краткорочните интервенции можат да бидат ефективни “, вели Медисон.
