Се чини дека депресијата на мајката во постпородилниот период, па дури и подоцна, е поврзана со развој на атопичен дерматитис кај детето во текот на детството и адолесценцијата, укажува една нова студија.
Атопичниот дерматитис е хронична, воспалителна болест на кожата која се карактеризира со чешање, болка и тешкотии со спиењето. Исто така, атопискиот дерматитис е силно поврзан со голем број ментални нарушувања, како што се депресија, анксиозност и самоубиствено однесување.
Инаку, познато е дека емоционалните фактори можат да го влошат атопичниот дерматитис и да влијаат на текот на болеста. Претходни студии покажале дека семејната средина и другите фактори на животната средина можат да имаат влијание врз атопичниот дерматитис.
Извор: Dermatitis
