Децата кои имаат куче со кое може да си играат, разговараат, спијат, поретко страдаат од анксиозност, покажува ново истражување објавено во списанието Preventing Chronic Disease.
Научниците од Медицинскиот центар Басет во Њујорк, имале намера да откријат колку домашното милениче им помага на децата. Тие ги замолиле родителите на деца на возраст од 4 до 10 години да учествуваат во истражувањето за здравјето, но и за домашните миленичиња.
Студијата вклучувала 370 деца со куче и 273 деца без милениче. Меѓу 58% од децата со куче, 12% од нив позитивно биле оценети на тестот за анксиозност во споредба со 21% деца кои немале куче.
Според Ана Годомски, научник и автор на студијата, потребни се понатамошни истражувања за да се утврдат причините и последиците, но секако е сигурно дека домашните миленичиња и менталните болести може да се гледаат од превентивна перспектива.
“Интеракцијата со пријателското куче го намалува нивото на кортизол, со ослободување на окситоцин, што ја намалува физиолошката рекација на стрес. Овие хормонални ефекти може да бидат темел на воочената емоционална и бихевиорална предност на терапијата помогната од животните и домашните миленици“, објаснила таа.
