Родителите ширум светот се свртуваат кон едноставна алатка која им помага брзо и ефикасно да го смират расплаканото дете и да го заспијат. Наместо разговор, тие ја користат моќта на допирот. Но, тоа не е каков било допир. Станува збор за посебен допир кој се изведува со одредена брзина и со одреден притисок. Родителите во Латинска Америка го нарекуваат пиохито (Piojito), што буквално значи „мали уши“.
„Кога како дете сакав да одам на спиење, ќе отиден да се милувам со мајка ми, а таа ќе ми направеше пиохито (piojito). Сега на своите деца сакам да им давам пиохито“, вели 40-годишниот Џо Граједа, татко на три деца, кој моментално живее во Тексас со своето семејство .
Како изгледа Пиохито?
„Со врвовите на прстите го чешате грбот или главата на детето. И тоа многу лесно и нежно, за да постигнете ефект кожата малку да се наежи“, опишува Граједа.
„Ваквото нежно милување активира посебни нерви во делови од нашата кожа наречени Ц-тактилни влакна. Тие се наоѓаат на нашата глава, грб и раце. Овие нерви се прилагодени да ја детектираат брзината на галење, ако го правите тоа пребрзо, допирот може да стане непријатен за личноста. Луѓето всушност отсекогаш практикувале ваков вид на допир. Тоа е нешто што ни е речиси вродено со децата, бидејќи им дава мир и спокојство“, вели Ишмаил Абдус-Сабур, невробиолог од Универзитетот Колумбија.
