Ако некогаш сте однеле мало дете во парк или на роденден, каде што уживало играјќи си, знаете колку е тешко кога ќе дојде време да си одите дома – на детето не му оди, плаче, беснее…
Тоа не е ништо невообичаено, кога детето ужива да си игра со други деца, сосема е природно да не сака да си оди дома. Тогаш родителите често велат: „Уште пет минути и одиме“, со надеж дека детето тоа убаво ќе го прифати, но тоа всушност е најверојатно патот до излив на бес.
Експертот за родителство, Челзи Хог-Завалета, која и самата е мајка на три деца, зборува за техника која може да ви помогне да го „наговорите“ детето да си тргне дома без никаква хистерија или расправија.
Таа како пример коментира едно видое од социјалните мрежи каде на почетокот може да се слушне како татко им вели на своите синови, кои си играат во гумен замок, дека „одиме за пет минути“. Сосема очекувано, на децата не им се допаѓа оваа идеја и се обидуваат да преговараат.
„Ова ќе заврши со излив на бес“, вели Хог-Завалета, а потоа објаснува дека децата и родителите не размислуваат на ист начин во моментите кога треба да се случи некоја промена.
„Постои огромна разлика во перспективата помеѓу мозокот на возрасен и мозокот на детето кога е време за некоја промена. Овој татко е фокусиран на иднината. Знаете како знам? Тој им кажа на децата уште пет минути и одиме. Неговиот јазик е фокусирани на иднината, на она што следува“.
Експертот за родителство истакнува дека децата, од друга страна, се целосно фокусирани на сегашниот момент и дека во таа смисла не се компатибилни со родителите, но има и златен совет како да се избегнат тантруми кога доаѓа време да одење дома.
„Фокусирајте се на она на што се фокусираат децата. Наместо да кажете: „Одиме за пет минути“, обидете се да кажете: „Имате уште пет минути за играње“, советува таа.
После тоа, вели Хог-Завалета, кога мама или тато ќе ја објават промената на овој начин, може да направи голема разлика ако им се придружат во играта во тие последни минути
