Доминантна рака е онаа рака што почесто се користи, поподвижна е и со неа побрзо ги извршуваме задачите. Повеќето луѓе се деснаци, а нешто помалку од 10 проценти од луѓето се леваци, додека уште помал е процентот на лица кои еднакво ги користат и левата и десната рака и оние кои некои активности ги извршуваат подобро со левата, а некои со десната рака. Доминантната рака се развива со тек на времето, а одредени знаци уште во раната детска возраст откриваат која рака би можела да стане доминантна. Некои дева доминантната рака ја откриваат порано, а некои подоцна.
Доминантната рака е задолжена за извршување на фини и груби моторни вештини како што се пишување, сечење, фаќање и фрлање топка.
Дали ќе бидеме леваци или деснаци зависи од генетиката и од нашиот мозок и тоа не можеме свесно да го избереме. Повеќето деца искажуваат доминантна рака помеѓу втората и третата година. Некои деца знаците на доминантност ќе ги покажат уште на 15 месеци, а кај некои деца доминантата рака нема да може да се препознае се до петта или шестата година, кога почнуваат првите обиди за пишување.
НЕСВЕСЕН ИЗБОР
Дали вашето дете ќе биде левак или деснак, може да забележите по тоа со која рака главно ги извршува секојдневните задачи, како што е земање на играчка или хранење. Еден од знаците може да го забележите и во игрите на преправање, како готвење. Ако детето замислениот ручек го мепа обратно од стрелките на часовникот, веројатно ќе биде левак.
Раката во која детето ја држи боичката додека шара или онаа со која ја фаќа топката кога ќе му ја фрлите, веројатно ќе стане доминантна.
Некои родителите се уште се потпираат на застарените верувања дека децата леваци треба да се исправаат за да станат деснаци, но тоа не треба да го правите. Доминантната рака не е работа на одлука и противење на природните поставки, кај детето може да предизвика само фрустрација и недоволно самодоверба.
