Многу популарна метода на досциплинирање кај поголем број нервозни и лути родители е да по расправијата го пратат детето во неговата соба. Сепак, дали сте се запрашале колку е ова ефикасно?
Според едукацискиот психолог Ијан Оперман оваа метода не му покажува на детето каде греши, а заборува и тоа дека не сте конкретни во поглед на дисциплината.
“Детската соба е преполна со работи кои им го окупираат вниманието, па многу често и забораваат дека се казнети и што згрешиле“, потенцира психологот.
Тој објаснува дека попуштањето од типот “прави што сакаш“, зборувањето да размисли за своите постапки ( а, тоа дури и не знае што погрешно направило), терањето да се извини (кога искрено не му е жал или пак не го разбира значењето на тие зборови), кажувањето НЕ на се (наместо објаснување зошто одговорот е таков), исто така не се корисни мерки за дисциплинирање.
Но, ако овие мерки не функционираат, се прашувате што ќе функционира и што треба да направите?
- Смирете се и избегнувајте премногу емоции
На детето би требало да му разјасните што направило, зошто е тоа погрешно и зошто го казнувате. Нека тоа биде кажано кратко и со цел. Исто така, научете да поставите одредени очекувања од детето, објаснете му што сакате од него и оставете го да сфати дека ќе има последици поради неговото однесување. Не пример: “Идеме во продавница и смееш да одбереш само една работа. Ако збеснеш нема да добиеш ништо и кога ќе се вратиме ќе следи казна“. Многу родители сами му предлагаат на детето да бира тоа што сака, само за да избегнат бес.
- Нека биде јасно која казна ја применувате
Оди во својата соба може да значи оди и играј си, или гледај телевизија колку сакаш. Наместо тоа, кажете му на детето која казна ќе ја добие, колку таа ќе трае и што очекувате.
- Бидете доследни и упорни со дизциплината
Доколку го казните детето, а тоа стане и продолжи да прави што сака, мора да го враќате на казната, одново и одново. Ако го казните детето за нешто одново што прави лошо, мора повторно да биде казнето, без разлика на околностите.
- Обидете се да спречите лошо однесување
Можеби на вашето детето му е здодевно, нема стимулација, или едноставно е само, па затоа е немирно. Некогаш децата не сакаат да делат, туку да се истакнат. За да избегнете конфликт кога си играат, бидете сигурни дека има доволно играчки за да ги делат меѓусебе. Во случај да има доволно, а тие продолжуваат да се караат, одземете им ги сите играчки.
