Да се биде родител не е лесно – на крајот на краиштата, тоа не е предмет што се учи на училиште, а и она што го знаеме, во поголем дел сме го ‘впиле’ од нашите родители, кои исто така никој не ги учел родителство. Затоа, не е чудно што често не совладуваат емоциите кога ќе кажеме „не“ на своето дете, а тоа не игнорира. Дознајте што да правите за да не реагирате многу бурно и како да го наведете детето да ве послуша.
- Не велете им „не“ премногу често
„Сто пати веќе ти кажав…“ е вообичаена реченица која родителите ја користат за да им објаснат нешто на своите деца. И токму во тоа е проблемот: ако нешто повторите сто пати, во секоја ситуација, децата веќе ќе го слушнат толку многу што ќе престанат да го забележуваат. Користете „не“ само кога е потребно – на пример, кога ќе видите дека детето би си играло со остри предмети или кога на прометна улица ќе ви истрген од рака. Детето ќе сфати дека „не“ навистина значи „не“, дека вие сериозно го мислите кога го кажувате.
- Одвлечете им го вниманието
Наместо да им одговарате со „не“ кога сакаат нешто или прават нешто што не треба, подобро пренасочете им го вниманието на некоја друга активност. И бидете упорни, не губете трпение.
- Игнорирајте лошо однесување
Знаеме, не е лесно да се одолее на импулсот и да свикате кога вашето дете наместо хартијата, со водени бои го „украсува“ подот. Но, бидете силни и преправајте се дека не гледате што прави, туку пофалете го што убаво насликал цвет на хартијата. Понудете му нова хартија на неа да нацрта сонце за баба, кученце за дедо, дрво за неговиот постар брат…
- Пофалете го доброто однесување
Кога нашите деца се однесуваат добро, ние генерално тоа го земаме здраво за готово и ретко ги фалиме. Заборавете на таа лоша навика и фалете го доброто однесување на вашето дете што е можно почесто. Ако мирно си игра со играчките, покажете му дека го гледате, пофалете го. Ако ги дели своите играчки со браќата и сестрите, тоа е причина за нови пофалби. На овој начин детето ќе усвојува се повеќе позитивно однесување, а вие нема да се фокусирате само на лошите работи што ги прави детето.Често се фаќаме како му велиме „не“ на нашето дете, а тоа едноставно го игнорира и продолжува да си го прави своето. Еве неколку совети како конечно да го промените тоа.
