ДЕТЕТО НЕ ГО СЛУША ВАШЕТО „НЕ“: Обидете се да ги примените овие 4 правила кои се покажале ефикасни кај повеќето родители

Да се ​​биде родител не е лесно – на крајот на краиштата, тоа не е предмет што се учи на училиште, а повеќето од она што сме го апсорбирале од нашите родители, кои исто така никогаш не ги научил на родителство. Затоа, не е чудно што често сме обземени од емоции кога ќе му кажеме „не“ на своето дете, а тоа не игнорира. Дознајте што да правите за да не рееагирате многу бурно и да го натерате вашето дете да ве послуша.

1. Не им кажувајте „не“ премногу често

„Сто пати веќе ти кажав…“ е вообичаена реченица која родителите ја користат за да им објаснат нешто на своите деца. И токму тоа е проблемот: ако нешто повторите сто пати, во секоја ситуација, децата веќе ќе го слушнат толку многу што ќе престанат да го забележуваат. Користете „не“ само кога е потребно – на пример, кога ќе видите дете како си игра со остри предмети или кога ќе ви се оттргне од рака на прометна улица. Детето ќе сфати дека „не“ навистина значи „не“, дека вие сериозно го мислите кога го кажувате.

2. Одвлечете им го вниманието

Наместо да им одговарате со „не“ кога сакаат нешто или прават нешто што не треба, подобро пренасочете им го вниманието на некоја друга активност. И бидете упорни, не губете трпение.

3. Игнорирајте лошо однесување

Знаеме, не е лесно да му одолеете на импулсот и да направите врева кога вашето дете наместо по хартија подот го „украсува“ со водени боици.  Но, бидете силни и правете се дека не гледате што прави, туку пофалете го што убаво насликал цвет на хартија. Понудете му нова хартија да нацрта сонце за баба, кученце за дедо, дрво за постариот брат…

4. Пофалете добро однесување

Кога нашите деца се однесуваат добро, ние генерално го земаме здраво за готово и ретко ги фалиме. Заборавете на таа лоша навика и фалете го доброто однесување на вашето дете што е можно почесто. Ако мирно си игра со играчките, покажете му дека го гледате, пофалете го. Ако ги дели своите играчки со браќата и сестрите, тоа е причина за нови пофалби. На овој начин детето ќе усвојува се повеќе позитивно однесување, а вие нема да се фокусирате само на лошите работи што ги прави детето.